Müasir biznes şəraitində mərkəzi ofis və filialları arasında keyfiyyətli, sürətli, təhlükəsiz və kəsintisiz rabitə xidmətlərinin olması zərurətdir. Böyük şəhər və qəsəbələrdə rabitə xidmətlərini təşkil etmək üçün yerüstü operatorlara müraciət edilsə də, telekommunikasiya infrastrukturu olmayan yerlərdə ofis və şöbələr arasında əlaqəni təmin etmək üçün rabitə sisteminin qurulması böyük xərclər tələb edir.
Belə olan hallarda həm texniki, həm də iqtisadi baxımdan ən optimal variant peyk texnologiyalarından istifadə etməkdir. Əksər hallarda obyektlərin etibarlı və keyfiyyətli rabitə ilə təmin edilməsi üçün bu yeganə seçimdir.
CaspianSat şirkəti zəmanənin tələblərini nəzərə alaraq məlumatların ötürülməsində peyk rabitəsindən əsas yaxud ehtiyat kanal kimi istifadə edən təhsil müəssisələrinə, maliyyə institutlarına, tikinti və mədən sənaye sahələrinə çeşidli həllər təklif edir. İnteqrasiya edilmiş sistemlərin, avadanlıqların və xidmətlərin universal paketini özündə ehtiva edən həllərimiz iri və orta biznes sahiblərinə, QHT, kommersiya və dövlət qurumları üçün çox uyğundur.